谭咏麟嘅10场红馆演唱会进入最后倒数，呢日我哋 Enews 特登去到校长排舞嘅地方探班，见到校长精神奕奕状态大勇，似乎已经进入最佳状态，佢仲率先小露身手，同Dancers预演一段歌舞《笑看人生》。 
校长话自己依家日日跑步，除咗可以操fit身形，仲可以练气。对上一次开完骚之后，校长因为冇戒口增磅唔少，佢搞笑话因为自己要集「脂」，而家就差唔多可以分拆上市啦！ 校长跑步操fit一啲都唔寂寞，因为有好多人陪跑，就连呢日排舞，都有好多人来探班，好似 莫家淦、 卫志豪 就话自己要来偷师，而另一位好朋友 马海伦 就送上好多食物，又有火鸡又有烧鸡，仲有过百粒茶叶蛋，真系辛苦晒校长又要忍口啦！ 
校长日前喺微博post咗段带领舞者挥大旗嘅舞蹈，画面好壮观，不过校长话演唱会上因为种种考量，佢冇得亲自挥旗，唯有将机会让俾其他人威下。今次因为演唱会分两part，所以要练嘅舞都加倍，不过校长就华为咗广大歌迷，一啲都唔觉得辛苦。 
