提起李蕙敏，大家除咗谂起佢首经典惨情歌《你没有好结果》之外，大家又记唔记得佢曾经同安德尊合作过主持工作呢？呢日两位旧拍档相隔多年终于喺《流行都市》再次碰面，Amanda接受《娱乐新闻台》访问时，都话好开心见返大王啊！
myTV SUPER重温《流行都市》精彩内容
Amanda带住新歌回归乐坛，令唔少歌迷都好惊喜，而嚟紧佢亦会去到澳门举行音乐会以歌会友，至于会唔会想喺红馆开个唱？Amanda直言都好想，仲话有啲计划添。
日前梁敏巧报导一宗情骗案时，当苦主形容该名渣男平日打扮，Maggie突然讲咗句「系咪好似安德尊？」，仲忍唔住失控大笑要求停机，片段出街后，无辜躺著也中枪嘅大王，即刻成为焦点，搞到Maggie 即刻喺社交平台向大王耍冧，呢日大王被问到呢件事，佢就一啲都唔介意，仲话Maggie带挈咗佢嘅人气呀。
