林峰呢日出席月饼代言活动，吸引唔少粉丝到场支持，林峰曾经喺剧集《溏心风暴之家好月圆》亲手整饼，而佢私底下都好钟意食月饼，仲曾经一次过食晒成个六黄月饼。
林峰近年工作忙不停，今年中秋应该冇时间陪阿女食月饼玩灯笼，事关佢已经投入新戏拍摄工作，又要兼顾巡回演唱会，忙到分身不暇，只要有时间就会飞返上海陪老婆同阿女。
阿峰老板古天乐日前喺澳门开骚，几位城寨兄弟都有去撑场，大家都好期待阿峰嚟紧嘅个唱，可以再次见到城寨兄弟合体，不过阿峰就有另一个更完美嘅计划，佢话希望几兄弟可以一齐开骚，寓工作于旅行，而且大家分担一人唱几首，压力冇咁大。 
古天乐同佢嘅电影公司近日惹上官非，传出被境外公司入禀追讨1.49亿，阿峰话自己都有听闻事件，但事件已经进入司法程序，自己唔方便评论，但就百分百支持老板。
