郭柏姸 关楚耀 王浩信 张天颖 现身时装活动，展示自家时装品牌嘅服装。Rosita仲得到 何广沛 谭嘉仪 李霭玑 到场支持。关楚耀嘅时装同球馆生意近年越做越好，佢仲有意未来冲出香港。
早前Kelvin为《中年好声音4》十强赛原唱之夜担任嘉宾，同 周志康 合唱《你当我什么》成为热话，更有唔少人到Kelvin嘅社交平台留言，仲有人话细细个就听佢唱歌，令佢都觉得好开心，感觉对音乐嘅热情又再重燃，亦好多谢《中声4》团队邀请佢上节目。Kelvin上年开始喺大湾区举行巡唱，而佢都好想搞香港站，所以目前都为呢件事进行筹备。
张天颖 近期推出新歌纪录成长兼庆祝自己生日，而家再跨界踩入时尚圈。Jamie就话，觉得如果要挑战行Catwalk嘅话唔难，不过自己好容易笑，如果朋友嚟支持自己，有可能会笑场，同埋担心唔笑嘅时候睇落较呆。讲到新歌，Jamie形容歌曲系一个女仔嘅18岁到28岁嘅成长纪录，长大并无令原本嘅自己消失，佢亦将呢歌当作系写俾自己嘅生日礼物。
