郑伊舞澳门开骚与歌迷猜包剪揼 黄淑蔓重唱经典爆师兄多嘢讲

郑伊健 近日到澳门开骚，唔止大唱经典歌曲，仲喺台上即场同台下歌迷玩包剪揼送礼物，令现场气氛更加热烈，玩得非常开心。而今次已经系第三度演出，团队就将部份歌曲重新编曲，为歌单带来新鲜感。

今次佢继续邀请师妹 黄淑蔓 担任嘉宾，Feanna仲将伊健经典《动地惊天爱恋过》以另一种感觉演绎，令歌曲充满少女对爱情嘅憧憬。连伊健都大赞同自己嘅表现完全唔同，非常新鲜，仲爆Feanna唔肯唱快歌呀。

而身为师妹嘅佢仲斗胆笑伊健呢晚演出非常多嘢讲，同平时表现非常唔同，而伊健就自爆因为唔记得戴隐形眼镜上台，不过喺睇唔清楚环境下照样演出㖞。