卫诗雅 近年事业大爆发，凭借电影《破。地狱》精湛演出横扫多个影后奖项，早前更一举夺下「大众电影百花奖」最佳女主角殊荣，演艺事业再创高峰。虽然日前佢拍摄新剧时意外受伤，嘴唇需缝合50多针，但被誉为圈中「考牌王」嘅佢继续以坚毅性格，完全无阻其积极工作心态，复原状况良好。
为庆祝爱妻登顶封后，卫诗雅嘅老公 周祉安 医生，特别花心思安排一场温馨嘅庆功聚会，邀请好友一齐分享喜悦。当晚最抢眼嘅莫过于现场嘅重量级成绩表，包括金像奖同大众电影百花奖嘅影后奖座，仲有今年金像奖凭《再见UFO》获得嘅最佳女配角奖，加上精致嘅巨型庆祝蛋糕，仪式感十足。
老公Kenley更听取好友嘅浪漫建议，特别以Michelle早前获奖当日穿著嘅蓝色战衣作灵感，为老婆准备由百朵蓝玫瑰组成嘅巨大花束。Michelle揽住巨型蓝玫瑰与老公甜笑合照，甜蜜指数爆灯，令唔少网友都大叫羡慕呀，而Kenley仲喺社交平台分享呢次庆祝会嘅心情，佢写道：
虽然老婆要返早班0500，但趁太太忙碌之中难得有少少空档，终于可以准备一个小小的 「惊喜庆祝会」给她，祝贺她得奖。其实一直都好想为太太庆祝，只是一直都未有适合的时间。
多谢一班好友特意抽空出席，一齐见证同分享呢份喜悦，令呢个小小庆祝会变得更加温暖同难忘。🫶🏻
Congratulations!!（PS: Credit to 朋友的好主意， 100朵蓝色玫瑰花（百花奖加当晚获奖的蓝色裙））