有「翻版钟丽淇」之称嘅2024年届港姐亚军兼「最上镜小姐」 梁嘉莹 不时都会喺社交平台分享生活日常以及靓相，近日佢就喺网上分享一张童年照，写上「Baby me」，得到网民大赞「由细靓到大」。
从相中可见，童年嘅Emily身穿灰色背心企喺湖边，一双大眼睛非常有灵气，而且脸型尖尖，十足一个公仔一样精致又可爱，细个就已经有一副美人相，令网民都纷纷留言称赞佢好似精灵一样可爱、细细个已经好靓女。
其实Emily唔只外型靓丽亮眼，佢嘅学历含金量都好高。佢大学毕业于美国纽约帕森斯设计学院，而早前再取得香港大学市场学硕士学位，绝对系贯彻港姐宗旨：美貌与智慧并重！
