周吉佩 近年歌唱事业如日中天，不过日前佢就暂时放下歌手光环，甘愿降格做「助手」！因为佢 7岁嘅爱子 Jasper获邀为时装品牌行骚，化身小Model嘅Jasper登上伸展台，而廿四孝爸爸吉吉则全程陪伴在侧，更亲力亲为囝囝担任「专属发型师」与跟班，仲帮阿仔影咗唔少型仔相！
Jasper当天身穿潮装亮相，喺伸展台上毫无怯场，行Catwalk时步伐自信、台风超稳，摆Pose更是有模有样，小小年纪已展现出十足星味。而喺后台嘅吉吉，则全程跟前跟后照顾囝囝，更亲自上手为Jasper吹头梳理发型，动作有模有样、非常专业！绝对系全场最星级嘅「贴身跟班」。
除咗喺后台为Jasper忙前忙后外，完骚后吉吉又为囝囝影咗唔少型仔相，吉吉喺社交平台分享自己嘅杰作，并于帖文中写道：「今日我又出动做助理，为我老板Jasper化妆set头、影相拍片，老板好叻叻，行show非常专业！😉」佢仲喺帖文尾加上「专业跟班」嘅Hashtag。唔少网民都赞Jasper继承咗爸爸嘅优秀基因，仲话Jasper已经可以出道呀！
