张颕康 喺啱啱大结局嘅剧集《夫妻的博弈》中饰演世纪大贱男施继威阿Mark，演活贱到出汁又无赖嘅渣男一面，激到观众都想反问两位女主角高海宁、郭柏姸「点解要争咁嘅垃圾？」
不过喺现实生活中嘅阿康就完全相反，系一名顾家好男人，同老婆麦雅致结婚多年仍然恩爱，更育有三名小朋友。而适逢假日，阿康就同老婆以及仔女齐齐入长洲好好玩一玩，就连爱犬都有随行。
阿康更喺社交平台分享多张玩乐照，写道：「今日突如其来有个一日嘅假期！当然要把握机会同一家人出去玩啦！一家人去玩！当然唔少得Master啦！小蛋黄第一次拖Master行街街！终于呢一次去长州，唔需要拎BB车啦！」文末仲标注「今日遇上好多热情观众」，有喺长州偶遇阿康一家嘅市民留言：「有幸今日经过见到你哋☺️ 欢迎黎到长洲呀」，亦有观众留言「睇完你套戏真系觉得你好贱呀😂😂～系好好笑至真， 同你现实好男人😍真系反差太大了」对阿康嘅演技表示欣赏。