于选秀真人骚《魔音女团》中成团出道嘅女团 MYNT，呢日同 林德信 魏浚笙 等，现身一个Pop-up store宣传，MYNT成军日子虽短，但佢哋已经相当受欢迎，嚟日仲有大批fans喺现场等候集邮。
MYNT近日工作不绝，成员 庄子璇 就高呼自己热爱工作，因为佢话自己系静唔到落嚟嘅人，所以希望每日都可以有工作，仲话自己最开心系多咗好多同fashion相关嘅活动。而成员 乔美莎 就指自己都做过model嘅工作，所以呢次活动可以行埋catwalk令佢好开心。
之前推出嘅快歌反应热烈，所以MYNT就打铁趁热推出新歌，fans们好快就可以欣赏到佢哋嘅新作，成员 宋宛颖 指新歌系好sweet嘅慢歌，充满住粉红泡泡，相信大家听完都会想谈恋爱；倪乐琳 亦指新歌相当sweet，佢呼吁大家要静下心耹听佢哋真实嘅歌声。
而两年抱两嘅林德信，二女早前低调出世，Alex就先同二女say sorry，佢话因为大女出世时，自己首次做爸爸，所以咩事都会紧张啲，想纪录低一切，但到太太怀有二女时，因为有之前嘅经验，所以重返正常mode，同时亦指系自己懒咗所以少咗纪录，不过Alex话只要BB同妈妈都健康就OK。Alex又指而家自己负责照顾大女，而细女就由太太照顾。
最近推出新歌嘅Jeffrey，揾嚟唔同好友crossover宣传，其中一位就系 吴浩康 ，Jeffrey话自己都系听对方嘅惨情歌长大，当见到真人时，即同Deep投诉对方啲歌好难唱，而身为唱歌老师嘅Deep，就即场故Jeffrey点吸气去唱歌。
