一周星星・精华丨钱嘉乐与汤盈盈结婚触发奇想 模拟女儿将来带伴侣见家长情况

成日都话女儿系爸爸嘅前世情人，与汤盈盈育有两个爱女嘅钱嘉乐，作客《一周星星》时，就被 王镇泉 问到，如果阿女有日带男朋友返屋企见家长，佢会有咩反应？嘉乐就话自己有谂过唔同情况，例如阿女唔系带男朋友，而系带女朋友返嚟会点，又或者唔系返个黄种人返嚟，嘉乐指自己已经谂过晒。

myTV SUPER重温《一周星星》精彩内容

嘉乐指同盈盈结婚当日，见到外父将盈盈交托畀佢当下，自己就已经谂到呢个场景他日自己都要面对。嘉乐又分享一次与老友方平、方中信等饮嘢时发生嘅趣事，当时大家尚未开始饮嘢，方平先叫停大家，话佢囡囡会带男朋友嚟，所以想一众好友帮手「盘」下个男仔，后来到方平囡囡结婚，新郎哥仍然系呢个男仔，嘉乐指最深刻嘅系，当时岑建勋同尔冬升都忍唔住叫方平笑下，嘉乐话当下佢就深深感受到他日到自己都会经历呢个情景。