钱嘉乐 同 汤盈盈 作客今集《一周星星》，有传当年系盈盈大胆女追男，节目组更揾到一段盈盈拍摄剧集《阿旺新传》以丑女阿好造型受访嘅片段，当时嘉乐行过，仲笑指：「你参加港姐攞梗冠军！」而盈盈就问：「你会唔会同我拍拖？」盈盈表示当年不断有记者同佢讲嘉乐单身，至于「女追男」传闻，佢就话只系传闻而已㖞。
两人喺2001年《封神榜》中饰演杨戬同狐狸精柳琵琶，更有一场系三眼仔怒踢柳琵琶，回顾返呢一幕时，嘉乐都话：「《封神榜》好睇之处系剧里面我收佢，喺现实中佢收返我。」
《一周星星》星期日晚 21:30 翡翠台