《中年好声音4》动物歌手「企鹅人」周志康、「狮子王」罗天宇、「猫女郎」刘佩玥、「白羊君」姚兵、「白眉鹰王」莫家淦、「树熊公子」黄建东将于9月底喺麦花臣场馆开骚，经制作团队多番商议后，胡鸿钧、吴业坤、谷娅溦、关楚耀、刘威煌、赵浚承等星级嘉宾将会现身，以歌声为呢六位动物歌手打气。
当周志康、罗天宇、刘佩玥、姚兵、莫家淦、黄建东知道呢六位歌手助阵，感到相当兴奋，急不及待与音乐总监开会，倾吓合唱环节上点样配对，希望能够带畀观众崭新嘅感觉。
胡鸿钧觉得好荣幸可以参与呢个音乐会，「有一种好特别嘅感觉，同呢6位歌手艺人已相识一段时间，睇到佢哋今次有属于自己嘅舞台，替佢哋高兴，亦替支持佢哋每一位歌迷、家人及朋友开心。今次可以喺佢哋音乐会合作，相信会系一次好难忘嘅经历，希望当晚佢哋玩得开心，创造属于佢哋美好回忆，享受喺舞台上每分每秒。祝福佢哋以最佳状态呈现给入场嘅每位观众。」
坤哥好开心有份做嘉宾，自己同天宇、康康、Moon Moon 同东东系一齐喺唔同剧集、唔同综艺，以及喺选秀节目一齐成长，今次大家兜兜转转由演戏、主持变成唱歌，大家走嘅路相似，亦有共鸣，「演艺人生系冇终点，最紧要只要你继续行落去，你想做嘅事都一定会实现。大家同辈，大家为自己喜欢嘅事情奋斗，希望喺未来十年、二十年、三十年都可以一齐互相扶持」。
谷娅溦曾为《中声4》客席评审，与罗天宇、周志康、莫家淦、黄建东系相处好多年嘅朋友，「罗天宇系演员，周志康、莫家淦、黄建东系做主持，佢哋一直冇太多机会去唱歌，最后透过《中年好声音》呢个节目，以一个歌手身份去做佢哋最喜欢嘅事，替佢哋开心。我自己亦系歌唱比赛出身，所以佢抱住同理心支持大家参加比赛，希望无论入行几多年，希望大家一齐努力继续向前行。
关楚耀非常期待今次演出，「看到佢哋六人努力，绝对值得大家学习同支持」， 《中声2》刘威煌话今次音乐秀嘅六位歌手喺演艺路已走咗一段时间，「包括我在内，大家都渴望睇到佢哋举行音乐会，累积落嚟嘅经验，绝对会令今次音乐会精彩及令人期待，而最大感触嘅系由《超级巨声》便已认识阿康，喺呢17年内睇到佢不断喺演艺事业上嘅付出，至今可以踏上音乐会舞台以一个专业歌手身份做表演，真系好感动。今次我作为嘉宾及佢哋朋友，我会做足100%准备，相信呢个舞台绝对令到佢哋有所发挥同享受。佢哋比赛过程中一定会紧张，好大机会未能发挥到100%，但表演就不一样，相信佢哋一定会非常出色」。
《中声3》赵浚承作为过来人好明白佢哋感受，「呢6位动物歌手由《中声4》一步步行到今日企喺呢个舞台上，佢咃本身已经有其他演艺工作，仍然愿意跨出舒适圈，呢份热诚真系值得大家支持，好佩服佢哋从未停低脚步，呢份不放弃嘅态度先系最珍贵。特别想支持莫家淦同周志康，一位系香港明星足球队多年队友，睇住佢自资做歌，见证莫家淦对唱歌嘅热诚。另外就系阿康，而家系《爱回家之三代同糖》办公室同事，佢哋实力有目共睹，所以我相信未来佢哋都会更好」。
