戏剧大师 钟景辉 博士于6月离世，为缅怀King Sir精彩嘅艺术人生，早前香港演艺学院就举行咗为期五日嘅纪念展览，完成首展后，展览又移师到西九戏曲中心举行。呢日喺展览开幕典礼上，唔少圈中朋友都有现身支持，好似 汪明荃 、 佘诗曼 、 林保怡 、 邵美琪Maggie 、 滕丽名 、 谢君豪 、 龚慈恩 、 梅小青夫妇 、 姜晧文 、 江美仪 同埋 张锦程 等，而King Sir嘅学生 王祖蓝 同 苏玉华 更担任典礼司仪，至于Liza姐同谢君豪就有上台分享感受。
曾经同King Sir合作过剧集《火舞黄沙》嘅阿佘同林保怡，呢日亦有勾起好多难忘回忆，尤其当时去拍摄地，仲要经过沙漠，虽然路途艰辛，但系King Sir都无怨言，仲好享受拍摄过程添。
至于Maggie当年就同King sir合作过剧集口《跨世代》，佢话同King sir合作都有压力，而佢𠮶股气场亦都好劲，令佢都唔太敢同佢讲嘢骚扰佢呀。
除咗King Sir嘅离开令人惋惜之外，早前另一位资深演员兼舞蹈大师Ming Sir刘兆铭亦都离世，而当年Ming Sir亦曾赞扬过Liza姐极具舞蹈天份，可惜Liza姐话自己当年工作太忙，加上年纪都大，所以就无向呢个方向发展。
