新剧《死有对证》9月7号晚首播，一众演员包括陈晓华、马贯东、陈熹潼、阮浩棕等现身为剧集宣传，剧集早喺几年前拍摄，当时Hera仲有种Baby fat嘅感觉，佢自己睇返啲片段时都觉得现时嘅自己比之前成熟，但亦好怀念𠮶种稚气，同拍档忆起好多拍摄时嘅感觉。
Hera觉得以前嘅感觉不会再现，肥得嚟又带啲可爱，现时嘅佢就成熟勤力，身边对手马贯东就忍唔住笑佢以前个双下爬真系好得意，而阮浩棕就笑Hera以前好似姆明咁可爱。
喺现实生活中，陈熹潼原名都系叫陈晓华，咁啱佢哋又接连合作剧集，多年嚟都发生唔少趣事，Rachel记得当年Hera当选香港小姐时，好多朋友都开玩笑祝福佢，后嚟到真正合作拍剧Rachel都有主动相认，场面搞笑。
王菲同拍拖四年嘅男友张子丰宣布订婚，呢日王菲都获得大家嘅祝福，佢仲甜蜜分享当日嘅情况，幸福分享被未婚夫搞到爆喊嘅经过。
