《中年好声音4》冠军 尹景顺、亚军 许云妮、季军 郑家声 连同 蔡宓婕、 吴亦伟、 尤淑情 和 许美琪 四位终极 七强现身毕业演唱会记招，宣布佢哋十月开Show嘅好消息，而喺记招上更公布 周志康 、 郑仲豪 、 陈旭培 会加入开Show阵容，十强将集结相遇舞台，七强歌手亦轮流喺记招献唱，为演唱会造势。
虽然距离开Show仲有个几月时间，不过咁多位中声4歌手都已经好期待！至于表演环节会唔会有唱跳部分？郑家声就话佢都好希望有，不过要同团队再讨论。而尹景顺目前开始筹备新歌，但佢就话宜家先开始听Demo，到时开骚未带得上舞台俾大家听住。
宓婕同亦伟认为开骚同比赛嘅踏台心情好唔一样，宓婕笑言希望五位评审到时唔好坐喺台下或者佢哋可以见到嘅地方，因为比赛咁耐一见到评审喺台下就会紧张，至于亦伟就话，评审们应该一人唱一首歌。
美琪同淑情早前喺完成赛事后讲过终于可以唔洗戒口，但而家要筹备演唱会，美琪就话自己要开始投入减肥阶段，不过淑情就因为已经习惯咗节制饮食，所以唔需要刻意减磅同戒口。
