舞台王者 郭富城 呢日以马年大使身份，出席沙田马场嘅活动，城城除咗演绎咗佢首经典快歌之外，呢日佢仲首度献唱新歌《冲冲冲》，火力全开嘅城城，以劲歌热舞炸爆舞台，亦令全场马迷热血沸腾呀。城城话呢首单曲亦系马会嘅主题曲，虽然首歌无马字，但就将马嘅精神写喺入面，代表遇到咩困难，都要朝住目标勇往直前。
除咗马季开锣，城城嘅囡囡亦都开学啦，早前佢两位千金就被捕获入读顶级国际学校，除咗每年学费高达40万之外，仲成为刘德华千金嘅师妹，城城仲讲笑话跟得华仔嘅选择就一定唔会错啊﹗
城城工作咁忙，所以平时都无时间，参与两个女嘅学校活动，不过，今年嘅暑假，佢终于可以唔驶做嘢，带一家大细游新加坡，佢都话好开心亦好难忘。而享受完天伦乐嘅城城，又要开始全情投入工作啦，呢日佢仲预告年底会喺启德举行跨年倒数演唱会，佢仲话为呢个演唱会会付出一切添。