《中年好声音4》赛事圆满结束，肥妈一如以往，准备大餐宴请一众台前幕后庆功，为咗赛事而忍口嘅中4生，今次终于解封，尽情大解放去大吃大喝，其实大家见到尤淑情修身成功，原来修身王者系雷小雷，前后瘦咗廿多磅，吴亦伟都靠做运动及节食减咗廿磅。
唔只中声4唱将努力修身，肥妈近日好落力喺屋企做运动减磅，经已减咗七磅，连周国丰都话睇得出肥妈嘅成果。
一众评审同车婉婉合作无间，周国丰提议大家跟肥妈开个饮食节目，一来可以继续合作，二来可以继续品尝肥妈美食，婉婉赞成：「肥妈话开心又要食，唔开心又要食，闷又要食，唔闷都要食。」
