TVB玄学节目《玄战》嚟到呢个星期战况越嚟越激烈，成功晋级嘅5位「黑先知」，将会正面交锋5位「白先知」，包括Jim Sir、Angel、阿元、Aster同KK孔。9月7号播出嘅一集中，Angel对战阿岚，Angel竟然100%估中嘉宾庄思敏，24年前收到妈妈乜神秘礼物，连一众主持都话不可忽视白先知嘅能力，准绳度高到令大家起鸡皮。
洪永城就话有一位「白先知」拥有嘅能力系一望你就已经可以睇得出你嘅身世、财富，就连银行密码都睇得出，佢仲为陈懿德预测咗一啲嘢添！
黑白两大阵营正面对决，第一战势均力敌、好有睇头。Jim Sir同Angel大赞黑先知嘅定海神John实力强。至于KK孔就睇好同属白先知嘅吕焯云，亦赞对方谦虚，不过佢对于定海神John嘅推算能力表示肯定。阿John就觉得自己参加完节目后，直觉灵感有所提升，好似学完嘢一样。
喺呢个星期，樊亦敏同枫燧就会强势加盟坐镇全新客席专业评审，麦玲玲师傅对Amy睇人睇事嘅眼光表示赞赏。Amy就感谢节目组邀请，令佢可以用自己嘅知识发挥一下，而佢都好欣赏一众参赛者，仲话大家令佢毛管戙。
