林凯恩 同淡出娱乐圈多时嘅 郭嘉文 因2015年参选港姐认识成为好友，不过郭嘉文喺2016年被影到同李泽楷同游东京成为「千亿女友」后，就开始淡出幕前，近年亦甚少更新社交平台。
近日Iris喺社交平台分享一辑庆生照，相中人唔只有邝洁楹，仲有神隐远离公众视线嘅郭嘉文！从相中可见，郭嘉文身穿白色上衣，化淡妆，保养得宜，而Iris同佢同属八月寿星，至于Judy就系7月生日，三位感情极好，仲揽埋好似糖痴豆咁。
Iris亦写下：「Autumn vibes🍁 & Birthday smiles. 爱对了人，每天都是生日快乐🎂💕长大后才明白，时间是最奢侈的东西，能见面，就是一种幸福✨」可见佢都好享受同两位好朋友一齐姊妹聚会！
至于郭嘉文从2021年开始就多次传出同李泽楷分手，皆因郭嘉文喺分讯传出后分享疑似情伤语句，社交平台简介亦重新加上工作电邮，近年两人未有同框出现，郭嘉文更经常同闰密Iris聚会。不过郭嘉文未公开回应过，感情状况至今成谜。
