蔡依林、刘亦菲、吴磊日前现身一个珠宝品牌发布会，品牌好友刘嘉玲就以一身黑色Deep V裙亮相，嘉玲姐所配戴嘅绿宝石颈链亦尽显雍容华贵一面。嘉玲姐透露，自己呢段时间好钟意绿宝石，因为绿宝石好似吸收咗大自然日月精华，令佢都好似同样吸收到日月精华。
Jolin作为时尚Icon，经常留意潮流变化，平时亦经常参与唔同嘅时尚活动。对Jolin嚟讲，珠宝除咗系时尚配件，更加系艺术品，所以佢都话自己非常期待每次见到珠宝艺术家会点样发挥唔同主题，呢次好似嚟到一个艺术展，同睇画一样。
刘亦菲早前先去完米兰出席品牌大骚，呢日返到主场上海，心情轻松唔少。亦菲就话，米兰有一种古典古堡气氛，而返到上海就更加亲切，因为上海系一座摩登又古典又现代嘅潮流城市。
吴磊一身打扮官仔骨骨，佢透露目前忙住拍摄，然后养精蓄锐，亦有同朋友见面。
