好耐冇喺香港出席公开活动嘅范冰冰，身穿金色裙贵气十足亮相品牌活动，状态大勇嘅佢不停挥手同大家打招呼，仲大派飞吻。冰冰一向喺女性力量嘅代表，活动上佢亦由女性角度出发，分享自己嘅人生哲理同事业经营之道。被问到点样保持优雅同魅力时？佢就话主要系大家畀佢嘅爱太多，所以唔想辜负大家嘅厚爱，希望自己坚持用呢种力量去回馈畀爱自己嘅人。
同场仲有韩国男团EXO嘅队长Suho以及冯允谦，Suho以深蓝色西装现身，吸引大批粉丝到场争睹偶像风采，Suho亦好亲切打招呼同派心心，佢感激粉丝们上次嚟佢哋香港演唱会支持，期待可以再次来港开骚，跟大家见面。
Jay Fung话好开心有机会同冰冰、Suho同场，不过原来爸爸妈妈比佢更兴奋，佢亦希望有机会跟Suho交谈，睇吓有冇可能喺音乐上面合作。活动上仲见到何超仪同老公陈子聪、邬友正翁嘉穗夫妇同佢哋嘅大仔Jason，邬生透露近排揾咗老师准备开始练歌，因为佢嚟紧又要做阿姐汪明荃嘅演唱会嘉宾，届时会献唱广东歌、国语歌同英文歌。
