周志康近日虽然忙于拍摄处景剧及准备9月底与中声战友开骚，但9月9号原来系阿康同老婆Emily结婚12周年纪念日，两夫妻同步出Post放闪，阿康展示出几张揽住同老婆嘅合照。
相中见一张系阿康参加《中年好声音4》时留影，老婆Emily紧紧贴喺老公嘅胸口，突显阿康嘅低胸装，每张相片流露住好Sweet嘅感觉，网民纷纷留言祝贺99快乐，有人大赞周太好似20岁嘅美貎。暖男阿康则留言话：「亚麻婚，继续多多指教。」
重温《中声4》激烈比赛过程
Emily就展示咗两张当年今日嘅照片，当时阿康送上一大束鲜花，而Emily就喜极而泣，两人更甜蜜亲嘴，并留言：「又一年~ Chain wedding~(解作链婚)~当年今日啊。」两人获大量祝福。
阿康近年凭住参加《中年好声音4》人气回弹，喺赛程中除咗展现唱功，老婆经常带同一对小朋友支持爸爸，真诚流露咗慈父感觉，暖男形象打动观众，比赛完毕后阿康工作接唔停，近日已正式加入《爱回家之三代同糖》剧组，演戏、唱歌双线发展。
