历时九个月嘅《中年好声音4》比赛虽然圆满落幕，一众参赛者喺中声舞台收获咗好多粉丝，赛后仍继续宠粉，分享自己生活日常，好似《中声4》战友陈旭培突然喺社交平台以「找数」为题，展示咗佢重达206磅嘅肥仔相。
重温《中声4》激烈比赛过程
相中身穿短裤嘅旭培身形明显腿粗肥胖、面部圆咕碌，吨位十足，旭培手持一张「我是坦克」嘅纸牌，同现时嘅佢完全判若两人，单睇外表真系认唔出系佢。
估唔到旭培曾经系肥仔一名，佢留言话应承得歌迷，始终系要出嚟面对，仲话自己高峰时期2024年时系209磅，当时张相仲要拎住「我是坦克」嘅牌太应景。旭培直指喺《中声》海选前佢系200几磅左右徘徊，由最肥至今减咗33至34磅，目前仍须努力，并宣布下个大计。旭培搣甩30几磅毅力惊人，唔少粉丝要求佢分享减肥妙法。
而季军郑家声终于返到加拿大同亲友报喜，步出机场一刻，已经见到大批亲友及粉丝等住迎接佢，家声逐一同佢哋打招呼拥抱，返到加国后，家声随即频频同好友叙旧。
