梁咏琪Gigi历时接近两个月，走遍全国七大城市巡演，上海、杭州、深圳、成都、南京、西安、以及尾站北京，合共26场演出圆满落幕，期间Gigi嘅好友杨采妮、许茹芸、仲有前辈张艾嘉等特别嚟欣赏演出。
嚟到北京站尾场，Gigi倍添不舍，谢幕一刻哽咽，连续3个几月朝九晚六一齐排练、食饭、演出，放假时一齐睇表演，过程非常充实同快乐，盼将来能将剧目带到更多地方。
今年系Gigi入行30年，本来今年计划好出唱片同做演唱会，当接到话剧邀请时，都有担心过自己应唔应付到，但想试炼一下自己嘅能力，接受呢个大挑战。
完成话剧演出后，Gigi而家可以专心留港工作，稍后全情投入制作国语专辑宣传工作，以及11月底巡演香港站，Gigi话今次真系碌尽人情卡，邀请到过去30年陪伴及见证佢成长嘅重要人物，亮相演唱会，令人期待。
