朱敏瀚孖陈自瑶澳洲与民众预祝中秋 准备同好兄弟周嘉洛飞韩国拍旅游节目

陈自瑶同朱敏瀚9月初到澳洲悉尼出席慈善晚宴，二人喺晚宴上表现亲民，同当地粉丝近距离互动，又上台献唱。翌日佢哋盛装出席中秋嘉年华，提早同当地民众庆团圆。
《约埋班Friend去旅行》星级老友四围玩

朱仔以一身白马王子造型再度高歌，佢话三年前曾经嚟过悉尼拍摄《约埋班Friend去旅行》，一直对悉尼感觉好好，今次行程仲有机会接触好多当地华人。Yoyo话自己廿年前嚟过悉尼工作，如果有机会嘅话，佢想好好去感受吓呢个城市。

除咗出席公开活动，朱仔同Yoyo仲抽时间去探访当地老人院，同一班长者唱吓歌倾吓偈。完咗今次澳洲行，朱仔预告会同好兄弟周嘉洛飞去韩国十日拍旅游节目。Yoyo喺三月时于广州举行音乐会，佢话唔少粉丝都问佢几时再开骚，佢都希望再有机会到唔同城市献唱。