佘诗曼呼吁勤验身勿讳疾忌医 放慢工作脚步陪妈咪享受生活

佘诗曼以粉红大使身份，出席一个关于乳癌嘅活动，呼吁大家要爱惜自己，定期做检查，千祈唔好讳疾忌医，佢觉得特别系男士，当发现身体出毛病，永远选择拖字诀。阿佘觉得及早求医同接受治疗，先系正确爱惜自己嘅方法。

除咗经常做健康检查之外，阿佘今年会喺工作上放慢脚步，享受生活兼多啲陪妈妈，上个月佢就带妈咪去睇古天乐演唱会，佢话妈妈虽然唔识啲歌，但被现场开心气氛感染。讲到重播《十月初五的月光》，阿佘话个剧本好正，经已翻睇过好多次。