健康诚诺书丨张慧仪听养子读出亲笔信 被触动流泪场面温馨感人

张慧仪同养子Hanson作客赖慰玲主持嘅节目《健康诚诺书》，Winki同慧仪自从合作演出剧集《女人俱乐部》之后，相隔12年再见面，两人碰面时话题不绝，由当年倾演技到而家变成倾凑仔经。

慧仪养子Hanson自细患有先天性心脏病，为咗Hanson嘅未来，慧仪花咗过百万医疗费，令Hanson重拾健康。呢份跨血缘嘅母爱，令Winki非常感动，Winki话母爱系令妈妈做出疯狂嘅事，而慧仪对Hanson嘅照顾，系比疯狂更疯狂。

慧仪觉得呢个就系佢同Hanson之间嘅缘份。Hanson亦喺节目中，读出一封写畀妈咪嘅亲笔信，借此表达爱意，而慧仪同Hanson喺过程中都感动落泪，场面非常感人。