张柏芝面对困难用瞓觉解决 向女性寄语勿忘自身力量

张柏芝、宋佳、沈羽洁现身北京一个品牌活动，柏芝一身白色套装打扮尽显成熟魅力。柏芝喺活动上分享，自己每当遇到困难，就会用瞓觉解决，因为瞓醒一觉就好似一切重启，可以重新嚟过，呢个方式亦系最简单嘅减压方式。

柏芝仲话自己永远觉得每一日都有奇迹或者好有意义，所以佢嘅心得系今日过得再好啲，再开心啲，会慢慢成长。

柏芝近年频频参与内地综艺节目，吸纳唔少女Fans，佢亦向各位女性送上寄语，鼓励大家唔好忘记自身拥有嘅力量好强大，如果将呢份力量发光发热，会活得好开心，好似有一道光包围自己一样。