钟嘉欣自2024年宣告复出后，努力兼顾工作同家庭，嘉欣近年频频喺大湾区开演唱会，吸引唔少粉丝捧场，最近佢喺演唱会送咗个「忙」俾粉丝而被批评后，又因一段演唱《一人晚餐》嘅影片成为热话，做出独特打拍子动作， 又突然敬礼又摆出半边心心，其舞姿被指突兀，引发唔少网民模仿，但嘉欣好大方，并冇嬲嬲猪噃！
嘉欣喺社交平台上载多张照片并留言：「Joy hides in the little things — and it’s everywhere, if you look 🌼📸 What’s your little thing today? （快乐藏喺细微之处，只要你用心寻找，它无所不在，你今日发现嘅小事系咩呢？ ）」发文，分享连串生活日常点滴，封面相就系嘉欣被仔女揽住嘅一幕，温馨程度满分。
嘉欣喺呢个帖文挑选嘅背景音乐正正就系《一人晚餐》，可见佢唔介意呢首歌成为话题之外，亦紧贴潮流热度，更喺限时动态分享咗一啲网民嘅模仿同弹琴演奏《一人晚餐》嘅片段添！
