吴沚默（Momo）向来有「TVB才女」之称，既系编剧亦系演员，更出版过小说。近年Momo将工作重心放到内地，更进军短剧市场，佢主演嘅短剧《姐姐的反杀时刻》上线后，平台播放量更迅速破亿。
风光背后有苦自己知！Momo拍片分享自己嘅横店叩门跑剧组试镜嘅辛酸经历：「如果经理人得闲就陪我，唔得闲就我自己一个去每一个组敲门。一日可以跑四、五、六个组，但大多时候只系递演员资料、介绍自己，之后就离开冇下文。」
Momo透露最近收到通知，一个志在必得嘅角色已经定角，人选并唔系自己，以及唔少剧组其实早有「内定」安排试戏只系走个流程。
Momo喺片中揭露「潜规则」文化，分享自己喺面试一套电影时，筹备地方喺酒店会议室，当时佢同导演、监制及制片人倾得好好。去到夜晚10点，Momo喺冲完凉后收到该导演微信讯息，邀请佢去「倾剧本」，佢即时拒绝并表示想改为「白天倾」，但Momo随即收到自称「导演妹妹」嘅女子来电，力邀佢去房间，仲反问佢「我哋全部人喺晒度㗎，你惊咩啫」。
Momo再次坚拒，激怒𠮶位疑似饮醉酒嘅导演，更被对方喺电话辱骂完再拉黑，Momo直言：「其实你话危唔危险？我觉得系唔危险嘅。只要你唔去，冇人可以伤害到你，但呢啲人真系好差啰。」而Momo喺分享喺横店嘅点滴时，一度讲到好感触而眼湿湿。
