梁洛施（Isabella）呢日仙气十足现身活动，心情大靓嘅佢畅谈跟三位仔仔嘅相处点滴，仲以大朋友嚟称呼17岁大仔同两名16岁嘅孖仔，Isabella话暑假时要陪阿仔玩，或者佢哋跟自己外出开工做吓小助手，而家大朋友们开学后，佢都轻松咗。
Isabella话阿仔长大，读书方面唔使佢点理，不过会保持同佢哋讲秘密嘅习惯，问到阿仔会否分享有冇女朋友时？Isabella笑言：「佢哋同我讲冇，我都唔知啦！」
Isabella话三位儿子处于好动阶段，非常热爱运动，涉及运动种类好广泛，包括滑雪、篮球同足球等，三兄弟嘅兴趣都唔相似，不过就冇人陪佢打网球，Isabella希望明年可以同阿仔去滑雪。
儿子们有时会跟住妈咪工作，不过Isabella话佢哋对演艺事业冇乜兴趣，未谂是否从商，现阶段仲未定下目标，而家好好享受读书生活。问到男友马浴柯会否陪打网球？Isabella似乎想避谈，只表示通常同教练对打。Isabella讲到目前工作以电影为主，问到跟马导合作会否有拗撬，佢就话唔会，大家工作好融洽。