邓紫棋 G.E.M. 嘅《I AM GLORIA》世界巡回演唱会尾站正于深圳举行，呢次由2024年开始，分别于内地多个城市，以及英法美加等地举行嘅演出终于迎来最终章，G.E.M.于9月11日深圳站首场，就为歌迷献上一个重量级惊喜，首次演唱全新专辑歌曲〈自由的你〉。
身为「全球体育场演出纪录最高的女歌手」保持者嘅G.E.M.，虽然即将完成世界巡演，尾站深圳更已系今次巡回嘅第171场，佢首次唱出从未公开歌曲〈自由的你〉令现场歌迷惊喜万分，佢送俾大家嘅「尾站彩蛋」，令大家对新专辑高度期待。
新歌所指嘅「自由」，唔止系关于个人选择，而系指向身处AI时代，人类自由意志会否被AI左右？新歌由《I AM GLORIA》嘅「I AM」，到〈自由的你〉嘅「YOU」，G.E.M.再次用音乐表达对时代嘅观察。
