梁咏琪（Gigi）嚟紧十一月将举行入行30年红馆个唱，日前佢喺北京完成廿六场话剧演出，尾场谢幕一刻，全场掌声如雷，Gigi百感交集一度哽咽，觉得时间真系过得好快，谂起自己三个几月前执行李就出发去上海排戏。
Gigi坦言演出26场系一个好大挑战，面对咁多台词同走位，开头系唔相信自己可以做到，今次成就解锁，Gigi靠每日勤力去背台词、记走位就搞掂，Gigi话演到后尾已经好自然，好似返工打卡咁，每日化妆、食饭后就上场。
Gigi呢次演技大爆发，挑战演一位平凡都市女性，既要面对婚姻危机，又要面对育儿重担，将角色演绎得淋漓尽致，Gigi话睇剧本时已被深深打动，角色讲出好多女性喺生活上，面对好多困境，有啲讲唔到出嚟、有啲走唔到出嚟，觉得呢个世界上，许多女性系要有勇气，需要打开呢对门行出嚟，呢一场戏系好触动到佢。