陈慧琳庆祝生日心急食甜品 不慎被蜡烛烫伤无损靓心情

生日快乐！今日（13号）系天后 陈慧琳 嘅54岁生日，一向贴地嘅Kelly选择喺餐厅食晚餐庆祝，平日严格控制自己饮食嘅Kelly，嚟到开心嘅日子，当然要食餐好嘅庆祝吓，佢眼见面前嘅美味甜品，Kelly经已急不及待想食喇。

Kelly眼中一见甜品就双眼发光，完全无视旁边已点起嘅蜡烛，当佢心急想即刻食一啖时，右手就被蜡烛火焰烫伤，不过Kelly完全无视手指被薰黑，只系一心想尽快将甜品送入口中，仲要身边朋友提醒先记得吹蜡烛许愿。当一齐做妥之后，Kelly一就急急品尝美味甜品蛋糕，再展露一个有如小朋友一样嘅满足笑容。Kelly除咗冻龄嘅美貎，其实心底𠮶份一直无变嘅纯真嘅心，先系最值得大家学习同珍惜。