林盛斌 同细细粒 陈嘉佳 作客节目《一周星星》接受主播 王镇泉 访问。阿Bob为咗事业拼搏多年，难免少咗时间陪伴家人，育有三女一子嘅佢，深明事业同家庭时间难以两兼顾，而阿仔仲话爸爸成日都顾住瞓，最想做到嘅事系一家人入戏院睇戏。阿Bob话四名仔女中，仔仔已经系佢陪得最多，因为女儿们已经长大，有自己生活圈子。
讲到三位女儿最想佢今年改进嘅系乜时？阿Bob就毫无头绪，三女喺片中希望爸爸唔好再沉迷炒卡。阿Bob解释当初谂住同阿仔有共同亲自话题，所以陪阿仔炒卡，点知渐渐变成自己沉迷。细细粒即追问阿Bob用几多钱买卡时？阿Bob完全唔敢正面回应，只表示费用足够喺酒店食两个月晚餐，保守估计都有百万投资。