阮嘉敏 有份参与嘅《女神配对计划2》播出第二集，Mandy揾嚟好姊妹 邓伊婷 担任「闺蜜花生团」，虽然节目上暂未出手为好姊妹提供意见，不过Mandy对好友非常信任，仲话任对方爆料：「我同伊婷完全冇夹过，佢系我入公司后第一个朋友，过去十年我哋互相扶持，咁多年以来佢成日都介绍男仔畀我识，可惜真系唔合眼缘，喺嚟紧未播出嘅节目度，佢会比我更加激动！」
提到节目中有19岁参赛者发表「回春」论时，Mandy就激动话：「始终佢出场只系20分钟左右，未必可以好完善咁沟通，呢个后生仔谂到咩就讲咩，我纯粹系当佢搞笑啰。佢本来叫所有女仔『回春』，都唔系净系指我一个嘅，只系咁啱啲女神撩我互动，特登玩吓！我一向心境开朗，绝对唔需要回春。」
对于介唔介意姊弟恋？Mandy就话钟意年纪比自己大嘅男士，因为觉得更有有安全感，「如果佢真系好细个，就睇佢系咪真系好有诚意，因为我觉得爱情唔应该受规限，应该要睇吓自己当时当刻嘅感受，我觉得咁先系爱情。
节目中Mandy曾被问到，如参加者曾出轨首要担心「卫生」问题，被网民直指「好包容」。Mandy就指每个人都有过去，重提旧事冇意义，最紧要拍拖时「乖乖」就得咁话。
《女神配对计划2》星期日晚 20:30 翡翠台