张与辰呢日现身一间小学代表佢设计嘅「苍蝇」IP公仔，捐出助学金予黄大仙区内学童，希望基层学童得到资助后可以追梦，传扬爱与希望。
与辰话「花啦啦 」收到好多利是，想将大家畀佢嘅爱同奖励，化作帮助其他小朋友嘅鼓励，又指「花啦啦」基金不断成长，计划下次帮忙到更多唔同地区嘅小朋友。
与辰再次踏足小学，见到一班笑容灿烂嘅学生，与辰勾起好多读书时嘅快乐回忆，坦言小朋友冇乜烦恼，自己细个𠮶阵贪玩又百厌，但自己拥有快乐童年，以前有参加读故事比赛、演讲比赛等，以及同音乐有关嘅活动，与辰当年都第一个举手参与，好珍惜上台演出嘅机会。
