《中声》唱将喺追梦过程中，最期待系拥有属于自己嘅歌曲，黄博、颜米羔同六位《中声》老友就梦想成真，呢日一齐出席新歌巡礼，吸引大批粉丝到场支持，黄博更系首次喺商场演绎新歌添！
米羔近期出席新歌宣传活动均身穿西装亮相，呢日都唔例外，佢希望之后再出斯文啲歌又可以着西装。而曹越、刘晓昆同陈俞霏就组粉红泡泡跳唱组合，令在场观众眼前一亮，曹越觉得三人首次合作由零开始到新歌MV制作过程，大家擦出唔同火花，整体感觉好好，昆昆笑指三人都有啲「恋爱脑」，曹越就话大家都系可爱嘅女人，一定要着粉红色。
阮慧珊同沈宗贤推出新歌，佢哋应粉丝要求，嚟紧出粤版《伽利略的星星》，目前已写紧词，而侯静伊预告《红手绳》将跟师兄黄剑文合作，唱出一个清新合唱版本畀大家听，希望有机会推出完整版。
