热播剧《死有对证》嘅演员呢日一齐现身宣传活动， 陈晓华 马贯东 韦家雄 呢个铁三角同其他拍档一齐出动，而近日宣布定婚嘅 王菲 仲教大家做瑜伽，人逢喜事嘅佢示范时非常养眼，不过柔软度麻麻嘅韦家雄就跟唔上，仲一直话太养眼唔知点算呀。
事后铁三角受访时，仲笑Hera角色不时激到佢要拉筋冷静，又指Hera直场一字马不得了。露晒背嘅Hera就笑言近日正拍动作新剧，不时都要拉筋所以非常轻松咁话。
剧中不时舌剑唇枪嘅呢对师徒，呢日访问继续互窒，家雄仲指传闻徒弟演戏麻麻，不过呢次合作先发现轻敌，可以话另眼相看，更大赞演出非常可爱呀。而阿东亦指同家雄合作，直情系最好学习机会呀。
而KT 唐嘉麟 同 陈熹潼 剧中不时要同尸体「对戏」，搞到观众都希望佢两位有感情线发展，不过呢日佢哋就直指两人无可能，KT仲爆自制暗恋Hera嘅小剧场呀。
《死有对证》星期一至五晚 20:30 翡翠台