由彭氏兄弟执导、 何超仪 主演嘅嘅奇幻悬疑电影《拾荒法师》，获选为2026年曼谷国际电影节Midnight单元开幕电影，成为该单元首部香港华语嘅开幕之作。
超仪同监制兼丈夫 陈子聪 演员Iman Taheri，以及电影团队出席开幕仪式。超仪以一身透视花仙子礼服走上红地毡，得到红地毡主持人连连大赞「Gorgeous」。超仪更表示到泰国参展心情兴奋，又即场骚两句泰文。而红地毡沿途都有唔少影迷守候，超仪主动上前同大家握手又自拍，非常亲切！
今届开幕礼最瞩目嘅时刻，就系泰国皇室成员乌汶叻公主殿下亲临典礼，向多位喺国际影坛有杰出成就嘅电影人颁赠纪念品。公主登场前，所有嘉宾须先到后台隐蔽处模拟彩排。皇室礼仪专员同军队保安当场示范并逐一指示，不论系步行速度、停步位置、弯腰受礼嘅角度。超仪依指示反复练习，事后仲笑言当时为求走动方便，脚上穿着波鞋，只靠长裙遮掩，希望公主唔会察觉。
而公主驾到时保安严密，出席者都唔可以用相机或手机拍摄，全程由皇室官方指定摄影师记录。超仪按礼仪接受颁赠，而纪念品就系一枚设计别致嘅心口针。仪式过后，超仪兴奋喺社交平台展示心口针，仲话唔舍得戴，会将佢摆喺屋企收藏，同历年奖杯放埋一齐。而超仪更系首位获得荣耀嘅香港演员，呢个殊荣对佢嘅艺术贡献表示高度肯定，亦为剧组带嚟鼓舞。
