陈晓华 近日现身一个时尚活动，近年Hera嘅打扮非常有女人味，服饰亦开始趋向较大胆，Hera就话自己一直都钟意松身衫打扮，近呢几年衣柜一件贴身衫都冇，系今年开始先开始买，而大家亦发现咁样著系靓嘅，所以Hera就有胆再唔同款式配搭。Hera仲话，大部分嘅衫进行配搭后都会将缺点收埋，突显优点！
Hera喺服饰妆扮上嘅改变，令佢听到更多欣赏嘅声音，所以令佢更有毅力锻錬体态，开始练腹肌同肩膀位置线条，令自己可以著多啲靓衫。最近Hera喺社交平台分享一辑不失健康美嘅性感相，佢就话辑相其实系一年前影，而当时系用咗唔健康嘅方式节食、疯狂做运动，但而家减肥就采取健康嘅饮食同运动方式。
Hera日前出席宣传活动时，遇到情绪激动嘅围观者，不过Hera嘅冷静反应，获网民赞处理得宜。佢就分享话当时希望事件可以平息，最重要系大家唔好受伤、大家安全。Hera仲话呢段时间拍摄新剧《驱魔速递》，出嚟见大家嘅时间都非常少，所以都好珍惜每次同大家见面嘅机会。
