Felix获Fans提早庆祝23岁生日 新歌即将面世难忘早前海边演出

好快就生日嘅 林智乐 ，日前获一众Fans为佢提早庆祝迎接23岁，已经第6年同大家一齐庆祝嘅佢，就话非常感恩又珍惜喇。原本Fans们希望圆佢心愿于连锁快餐店举行生日会，不过因为冇办法安排唱歌同采访而无奈作罢，不过Felix就话一定要揾机会搞一次喇。

Felix又话希望新一年可以推出更多歌曲，亦有更多机会同观众见面，而好快推出新作品嘅佢，仲话不论班底同录音室，都令佢对呢次合作极之期待。

早前佢同吴若希出埠参加音乐节，呢次户外于海傍演出，就令Felix非常回味，于沙滩表演非常好玩又享受，而之后又会到唔同城市表演，虽然非常期待唔同美食，不过就要忍口以免变用仔喇。