黄嘉雯 近日喺热播剧《死有对证》以柔弱孤女大反转，变成恐怖杀人犯嘅角色令观众眼前为之一亮，一改大家对佢嘅乖女印象，Carmaney都讲过呢个角色系佢入行以嚟最有挑战性嘅一个。
而Carmaney最近就趁假期，同朋友一齐去东非嘅坦桑尼亚旅行，唔只分享OOTD变装，仲坐吉普车喺国家公园同围Safari睇狮子、长颈鹿、斑马等野生动物。
Carmaney仲拍片喺社交平台分享呢个难忘时刻，仲以经典动画《狮子王》嘅主题曲《Hakuna matata》歌词表示自己心情，向大家分享要做到「Hakuna matata」嘅无忧无虑生活哲学，整段旅程都系「Hakuna matata」态度。
除咗野生动物，Carmaney同友人亦有感受当地文化，同当地导游以及团友饮香槟围住火堆跳舞，Carmaney仲被两个人抬起，大家都玩得非常开心！
