《2026香港小姐竞选》佳丽 袁丝珩 邓匡闵 李泽欣 同李澄晴，呢日再现身领奖，冠军Bernice呢日现场接受赞助商送上嘅新车，而另外几位佳丽就有奖金鼓励，Bernice就指屋企一早有计划换电车，所以呢次非常开心，仲话会同家人四处出游。至于亚军Ada、季军Scarlett同友谊小姐Chorie，就早已决定奖金点样运用喇。
呢日 钟澍佳 亦有现身颁奖典礼，佳导仲话有留意各位佳丽嘅表现，仲指Bernice有丰富表演经验，相信佢拍摄更有优势，会相约佢哋再了解吓。佢又提到《新闻女王3》故事正创作当中，亦相信将系系列告别作，所以要花更多心力安排剧本，仲希望年底或明年初开拍咁话。
