热播剧《死有对证》剧情发展精彩， 吴若希 喺剧中饰演港闻记者单佩嘉，为咗唔想跑突发新闻就日日着高踭鞋返工，点知就避无可避，要单人匹马落场跑新闻，最后出师不利之余仲拗柴收场。
Jinny完成呢场戏嘅拍摄后都话好满意，更笑指呢次系自己第一次拍「大型动作片」，又话自己十岁开始练习拗柴，原来练习拗柴真系可以喺拍摄时派上用场，所以就算自己只脚拗到好夸张，但系都感觉良好，而且画面都好有效果，所以佢都觉得拍摄好顺利。
而 陈晓华 饰演法医程芷昕，喺一场豪宅发现尸体嘅戏份，系佢第一次冇师父带领下，自己一个现场检验尸体情况同寻找线索，所以对佢嚟讲都系一个好特别嘅场口，加上角色性格本身就大胆，所以唔会惊，而且可以做到独当一面。
《死有对证》星期一至五晚 20:30 翡翠台