一众盈光粉（陈芷盈粉丝）联同中声唱将及评审，日前齐齐为16号正日生日嘅 陈芷盈 庆祝，一向以歌声传递祝福嘅芷盈，生日会上除咗献唱福音歌，佢仲递请咗 刘洋 上台同佢合唱。
呢日可以话系三喜临门，因为除咗为芷盈庆祝生日外，仲系佢新专辑发布同宣布开演唱会嘅好日子，讲到生日愿望，芷盈就话一直好希望自己嘅歌可以祝福到别人，所以佢希望有机会可以邀请到一啲基层家庭嚟睇佢嘅演唱会。
肥妈 一直疼锡一众中声歌手，不时会现身支持佢哋嘅活动，即使佢近排受鼻窦炎困扰，但都照样现身支持。肥妈指《中年好声音》呢个节目，除咗为大家实现人生第二个梦想外，喺追梦后仲有延续嘅工作，佢都戥一众参赛者开心。
首次听芷盈唱现场嘅 李佳 ，就话相当惊喜，亦令佢对芷盈嘅演唱会相当期待。 黄剑文 就赞芷盈嘅声音相当甜美，所以知道对方将出专辑同开骚，都戥对方开心。而 何晋乐 就指知芷盈努力咗好耐，希望对方演唱会可以大卖同演出成功呀。
