下星期就系中秋节，呢日TVB爱心义工队同多位艺员包括 薛家燕 罗乐林 阮浩棕 刘威煌 梁浩贤 林思彤 同大批长者提早过节，更向一班老友记派福袋又同大家玩游戏，而其中一位94岁嘅哥哥仔，仲同家燕姐一齐起舞，活力爆棚。
家燕姐又提到中秋将约齐家人一齐做节，仲话已为孙仔准备好灯笼喇。「大龙生」虽然由接龙集团退位，不过呢几个月假期佢就话非常满足，身体依然强壮嘅佢，仲口述趁假期将唔同已过期嘅证件全部更新，仲要忙住处理屋企大小事呀。
至于几位《中声》唱将朋友，就主力为各位老友记献唱，大家听到唔少老歌都非常投入呀。之后仲话希望有更多机会为老友记提供娱乐，非常高兴呀。
