王镇泉 Jeoffrey 每星期为你提供最热辣电影资讯，中外猛片专访花絮上映时间全部集齐。泉叔今个礼拜讲到距离《复仇者联盟5》上画仲有几个月，对于MCU未来发展嘅讨论依然无停过，最近有指Marvel已同The Rock Dwayne Johnson倾紧加盟，希望佢可以加入新版X-men系列播。
据知The Rock若真系答应，将会饰演天启呢个经典大反派，而且分分钟仲会系接棒末日博士，成为下一任嘅魔王级Boss，同一众MCU英雄对立。
另外，呢个礼拜由Nicole Kidman同Sandra Bullock主演嘅《巫法闯情关：魔女秘密》登上北美票房冠军，成功踢走《蜘蛛侠：英雄重生》，终止咗蜘蛛侠六连霸嘅纪录呀。不过蜘蛛仔Tom Holland同时凭住最近嘅《奥德赛》同《蜘蛛侠：英雄重生》，成功攞到全球影史上票房最高嘅演员，目前已经有155亿美元，超越咗Zoe Saldana嘅154.6亿美元纪录呀。
本周电影新片速递
《生化危机》一名医务速递员拜仁喺一个平凡到无得再平凡嘅夜晚，意外卷入一场令整个城市崩溃嘅恐怖浩劫。喺失去法律同秩序嘅混乱夜晚，佢必须喺丧尸同生化怪物横行嘅围城中展开一场永无止境嘅生存赛跑。
《SAKAMOTO DAYS 坂本日常》曾被誉为史上最强杀手嘅坂本太郎，堕入爱河后金盆洗手，隐退江湖。结婚生仔后经营住一间便利店，而且仲发福唔少，点知坂本突然被悬红10亿追杀，各方杀手蜂拥而至。为咗守护挚爱嘅家人同平静嘅日常，佢必须贯彻唔杀人嘅信念，同敌人展开一场生死搏斗！
香港票房龙虎榜截至9月16号中午，第1位《欢迎来龙餐馆》、第2位《HOPE：逆袭希望港》、第3位《命悬3000呎》
