罗天宇与蔡思贝呢日出席一个慈善义卖活动，天宇跟陈懿德近日终于认爱，二人早前被网民影到结伴睇骚，天宇话感情事一直好公开，收到唔少街坊祝福，当日只系扶一扶女友，又指心疼女友落力减肥。
myTV SUPER玄学竞赛节目《玄战》
天宇与德德拍拖以嚟，二人冇刻意避忌，彼此相处OK，拍拖几年感情稳定。讲到早前德德被《玄战》先知算今年结婚机会大，天宇闻言即时嗌惊，话啲先知好准，自己亦系朝结婚呢个方向发展，之不过今年得番3个月咋！
天宇目前都系专注喺演唱会先，仲预告女友德德当日会做助手，唔畀女友唱歌，怕女友唱得太好，自己被比下去。同场嘅蔡思贝最近忙喺新加坡拍电影，有啲幽默讽刺怪诞题材，挑战全英语对白演出，结束活动就要即刻飞返去。
